មេរៀន​បី​យ៉ាង​​​ដែល​លោក​​​មហាសេដ្ឋី​ Bill Gates រៀនសូត្រ​​ពី​មហាសេដ្ឋី​ Warren Buffett!

​បើ​​និយាយ​ពី​ភាព​ជោគជ័យ​វិញ​​គេ​សង្កេត​ឃើញ​ថា នៅ​អាមេរិក​មាន​បុគ្គល​​​​ជោគជ័យ​ជាង​​មហាសេដ្ឋី​​លោក​ Bill Gates ស្ថាបនិក​ក្រុមហ៊ុន​ Microsoft ទៅ​ទៀត។ ​​ប្រាកដ​ណាស់​ថា​ មហា​សេដ្ឋី​វ័យ​ ​៥៨​ឆ្នាំ​រូប​នេះ​​បាន​ដឹង​អ្វី​ៗ​គ្រប់​​យ៉ាង​នោះ​​ឡើយ​​។ ​​កាល​ពី​ឆ្នាំ​២០១៣​ ​លោក​ Bill Gates ​បាន​ធ្វើ​ដំណើរ​ទៅ​ Omaha ដើម្បី​ចូលរួម​កម្មវិធី​ជួប​ជុំ​​​​ម្ចាស់​ភាគហ៊ុន​ប្រចាំ​ឆ្នាំ​មួយ។ ​

…​Forbes ​​​​ដាក់​ចំណាត់​ថ្នាក់​​លោក ​Bill Gates ​និង​​ភរិយា​ជា​ពល​រដ្ឋ​អាមេរិក​​បរិច្ចាគ​​ប្រាក់​ច្រើន​​ជាង​គេ​​​​…



លោក​បាន​សរសេរ​នៅ​លើ​បណ្ដាញ​សង្គម​ LinkedIn ​ក្រោយ​ពី​លោក​​បាន​ជួប​ជា​មួយ​លោក​ Warren Buffett ​ដូច្នេះ​ថា​ ៖«មាន​រឿង​សប្បាយ​ៗ​ជា​ច្រើន ហើយ​​មិន​មែន​ត្រឹម​តែ​ការ​លេង​ពីងប៉ុង​ ​និង​​លេង​ហ្គេម​បោះ​​ក្រដាស​កាសែត​​ជា​មួយ​លោក​  Warren Buffett នោះ​ទេ ​តែ​​សប្បាយ​​ព្រោះ​ខ្ញុំ​បាន​រៀន​សូត្រ​ពី​​លោក​ Warren Buffett ​និង​បាន​ដឹង​ថា​​ពី​របៀប​នៃ​ការ​គិត​របស់​លោក»។ ​



នេះ​ជា​គឺ​ជា​មេរៀន​ដែល​លោក​មហាសេដ្ឋី​ Bill Gates រៀន​ពី​​ Warren Buffett៖ ​

១) សម្លឹង​ឱ្យ​ឆ្ងាយ​ (look at the big picture)

នៅ​ពេល​ដែល​លោក​ Bill Gates ​បាន​​ជួប​លោក​ Warren Buffett ​ប្រតិកម្ម​បន្ទាន់​​របស់​លោក​គឺ​លោក​ផ្ដោត​ទៅ​លើ​​រូបភាព​នៃ​ជោគជ័យ​របស់​​លោក​ Warran Buffett នោះ​គឺ​ការ​ជ្រើស​រើស​ និង​​វិនិយោគ​នៅ​ក្នុង​​ទីផ្សារ​ភាគហ៊ុន។ ​អ្វី​ដែល​លោក​  Bill Gates បាន​រៀន​សូត្រ​ពី​ Buffett គឺ​​​ការ​សម្លឹង​ឱ្យ​ឆ្ងាយ​​នៃ​ទៅ​លើ​អាជីវកម្ម​មួយ។ លោក​បាន​ថ្លែង​ដូច្នេះ​ថា​ ៖ «គាត់​មាន​​​គម្រោង​​ក្ដោប​អាជីវកម្ម​ទាំង​មូល​​ដែល​ត្រូវ​គិត​នោះ​គឺ​ជា​អំណាច​ដ៏​ពិត​ប្រាកដ​មួយ»។

​

ដោយ​​មិន​​ផ្ដោត​ខ្លាំង​ពេក​​​ភាព​លម្អិត​នៃ​ទីផ្សារ​ លោក​ Buffett ​បាន​សម្លឹង​ទៅ​​មើល​កំណើន​ជា​ទូទៅ។

២) ​​ត្រូវ​តែ​ស្មោះ​ត្រង់​ជា​មួយ​​​ម្ចាស់​ភាគហ៊ុន (Be honest with shareholder)​

ជា​រៀង​រាល់​ឆ្នាំ​លោក​ Buffett ​បាន​ចំណាយ​ពេល​​មួយ​ចំនួន​ផ្ញើ​​លិខិត​ដល់​ម្ចាស់​ភាគហ៊ុន​នៃ​ក្រុមហ៊ុន​របស់​លោក។ នេះ​ជា​ទង្វើ​មួយ​ដែល​ជំរុញ​​ទឹក​ចិត្ត​ឱ្យ​លោក​  Bill Gates ធ្វើ​សកម្មភាព​ដូច​គ្នា​នេះ​ដែរ។ ​​លិខិត​របស់​លោក​  Bill Gates គឺ​បង្ហាញ​​ពី​​ទស្សនៈ​វិស័យ​នៃ​ក្រុមហ៊ុន​ ក៏​ដូច​ជា​ការ​វិនិយោគ​​​របស់​ខ្លួន។ ​ លោក​ Bill Gates ​​​មាន​ជំនឿ​ថា​ ការ​ផ្ញើ​លិខិត​បែប​នេះ​នឹង​ធ្វើ​​ឱ្យ​ម្ចាស់​ភាគហ៊ុន​​​កាន់​តែ​មាន​ជំនឿ​ចិត្ត​ទៅវិញ​ទៅ​មក​។ ​លោក​ Gates ​បាន​បញ្ជាក់​​ថា​ ៖ «លោក​​មាន​ឆន្ទៈ​​និយាយ​ដោយ​ស្មោះត្រង់​ និង​រិះគន់​ទៅ​​ចំណុច​មិន​ល្អ​មួ​យ​ចំនួន​ត្រង់ៗ​​ពាក់​ព័ន្ធ​​​នឹង​ការ​វិនិយោគ​មាន​ដូច​​​ជា​​​ stock option ​ឬ​ financial derivatives ជា​ដើម”។  ​



៣) ឱ្យ​តម្លៃ​ទៅ​លើ​ពេល​វេលា​​ (Value your time)

​​​មហាសេដ្ឋី​​ Bill Gates ​​​បាន​​លើក​ឡើង​ថា​ ​​៖​ «មិន​ថា​អ្នក​មាន​លុយ​ប៉ុន្មាន​នោះ​ទេ ​អ្នក​មិន​អាច​ទិញ​ពេល​វេលា​បាន​ច្រើន​នោះ​ទេ»។  លោក​ថា​ ត្រង់​ចំណុច​នេះ​​​មហាសេដ្ឋី​ Warren Buffett បាន​ជ្រាប​ច្បាស់​ជាង​​អ្នក​ណា​ៗ​ទាំង​អស់។ ​លោក​ Buffett ​​​តែង​តែ​ចំណាយ​ពេល​វេលា​ជា​មួយ​ក្រុម​អ្នក​ប្រឹក្សា​យោបល់​របស់​លោក​ ​និង​ស្វែង​រក​ពេល​វេលា​​ដើម្បី​ឆ្លើយ​សំណួរ​​មួយ​ចំនួន​​ពី​អ្នក​ប្រឹក្សា​យោបល់​របស់​លោក។  លោក​ Bill Gates មាន​ប្រសាសន៍​​ថា​ ៖ «​គាត់​ចិត្ត​ល្អ​ណាស់​ក្នុង​ការ​ចំណាយ​ពេល​​​​វេលា​​ជា​​មួយ​មនុស្ស​ដែល​លោក​ទុក​ចិត្ត»។ ​



​​ទោះ​បី​ជា​យ៉ាងណា​ក៏​ដោយ​ ​លោក​ Buffett ​ដឹង​ថា​ពេល​វេលា​របស់​លោក​​មាន​តម្លៃ​ប៉ុណ្ណា ជា​ពិសេស​លោក​មិន​ចំណាយ​ពេល​​ឥត​ប្រយោជន៍​ក្នុង​ពេល​ប្រជុំ​ម្ដង​ៗ​នោះ​ទេ។ ពោល​គឺ​លោក​និយាយ​តែ​ពី​រឿង​បាន​សាច់​ការ​តែ​ប៉ុណ្ណោះ​។ នេះ​បើ​តាម​ការ​អះអាង​របស់​លោក​ Bill Gates៕