We held our appreciation dinner last night for the major sponsors, partners and stakeholders involved in SEA GAMES 2015. Thank you everyone for walking this journey with us, and making this a truly extraordinary Jubilee Games!
ការធ្វើអាជីវកម្ម ប្រៀបដូចជា ការលេងល្បែង នៅពេលដែល និយោជក ចាប់ផ្ដើម ជ្រើសរើសបុគ្គលិក ថ្មីមកធ្វើការ។ ទោះបីជា មានគម្រោងការណ៍ ដ៏ត្រឹមត្រូវក្នុង ការជ្រើសរើសបុគ្គលិក, ពេលសំភាសន៍, ឬពេលកំពុងតែ បង្វឹកហាត់ការងារបុគ្គលិកនោះទេ ក្រុមហ៊ុននៅតែអាច ពើបប្រទះថា បុគ្គលិកថ្មីទាំងនេះ មិនសាកសមនឹង ការងារមួយនេះ។
ខាងក្រោមនេះ គឺជាមូលហេតុដ៏ចំបង ដែលនិយោជក តែងតែបញ្ឈប់បុគ្គលិក ខណៈដែល បុគ្គលិក ដែលទទួល ការបញ្ឈប់ពី ក្រុមហ៊ុន គួរតែ យល់ដឹងដូចគ្នា នេះបើតាម ការដកស្រង់ពី គេហទំព័របរទេស៖
- គ្មានក្រមសីលធម៌៖ សម្រាប់ពាក្យមួយនេះ ពិតជាមានន័យ ទូលំទូលាយ ជាពិសេស សង្កត់ធ្ងន់ទៅលើ អត្តចរិក បូករួមនឹង គ្មានភាពស្មោះត្រង់, ការលួចបន្លំ, ចោរ ...។ល។ សកម្មភាពទាំងនេះ អាចជះនូវ ផលអាក្រក់ជាច្រើនពីខាងក្រៅ ដល់កេរ្ដិ៍ឈ្មោះរបស់ ក្រុមហ៊ុន និងផ្ទៃក្នុងនៃ ក្រុមហ៊ុនវិញ អាច បំផ្លាញដល់ វប្បធម៌ និងការរីកចម្រើន របស់ក្រុមហ៊ុនផងដែរ។
- កាតព្វកិច្ចលើការងារ៖ ការងារ គឺជាកិច្ចព្រមព្រៀងមួយ ដែល បុគ្គលិក ត្រូវធ្វើការសន្យាថានឹង ផ្ដល់នូវលទ្ធផល ល្អមកកាន់ ក្រុមហ៊ុន ជាមួយនឹង ការត្រលប់ទៅវិញ នូវ ប្រាក់កម្រៃឬ រង្វាន់ ដែលផ្ដល់ដោយ និយោជក។ ប្រសិនជា បុគ្គលិកទាំងឡាយ មិនអាច ធ្វើការបានជោគជ័យ ទៅតាម កាតព្វកិច្ច ដែលខ្លួនត្រូវអនុវត្ដន៍ តើពិតជាសាកសម នឹងទទួល ប្រាក់កម្រៃមកវិញ មែនទេ? សម្រាប់អាវជីកម្មតូចៗ មិនអាចមាន សមត្ថភាព ក្នុងការ បង់ប្រាក់កម្រៃទៅ កាន់បុគ្គលិក ដែលមិនអាចធ្វើការងារ ទៅតាមតួនាទីខ្លួន ជាពិសេស ក្រោយពី បុគ្គលិកទាំងនេះ តែងតែបរាជ័យ បន្ទាប់ពី ធ្វើការហ្វឹកហាត់ ជាច្រើនដង និងជាច្រើនសារ។
- ខកខាន មិនមកធ្វើការ៖ ការខកខាន មិនមកធ្វើការ ជាញឹកញាប់ គឺជាហេតុផលដ៏ធំបំផុត ក្នុងការបញ្ឈប់ពី ការងារ ដែលនេះជាផ្នែក មួយនៃ កិច្ចព្រមព្រៀង ក្នុងការធ្វើការងារ។ ការខកខានមិនមកធ្វើការ គឺអាចបះពាល់ ទៅដល់ទិន្នផល ឬចង្វាក់នៃ ការផលិតរបស់ក្រុមហ៊ុន និង ប៉ះពាល់ដល់បុគ្គលិក ដទៃទៀត។
- មិនអាចអនុវត្ដន៍ទៅតាមគោលការណ៍៖ មុខងារ ប្រៀបដូចជា ម៉ាស៊ីនដែលប្រើប្រេង ដែលព្យាយាម បង្កើនទិន្នផលយ៉ាងណា ឲ្យកាន់តែធំ កាន់តែល្អ ដែលនេះគឺជាការ បង្កើនប្រសិទ្ធិភាព ក្នុងផ្នែកប្រតិបត្ដិការ ក៏ដូចជា ក្រុមហ៊ុន ពឹងផ្អែកទៅលើ បុគ្គលិកថា នឹងអាច អនុវត្ដន៍ការងារទៅតាម គោលនយោបាយ របស់ក្រុមហ៊ុន និងដំបូន្មានរបស់ អ្នកគ្រប់គ្រង។
- បញ្ហាផ្ទាល់ខ្លួន៖ ជាបញ្ហា ដែលកើតចេញពី បុគ្គលដោយខ្លួនឯង ដូចជា ខ្វះភាពទាក់ទង ជាមួយនឹង មិត្ដរួមការងារ, មិនចុះសម្រុង, រឹងរូស ដែលទាំងនេះ អាចបំផ្លាញ ដល់ផលប្រយោជន៍ របស់ក្រុមហ៊ុនជាខ្លាំង៕
