ក្រុមហ៊ុននីមួយៗអាចដំណើរការទៅបាន លុះត្រាតែមានបុគ្គលឆ្នើមៗដែលខិតខំធ្វើការខ្លាំងដើម្បីធ្វើឲ្យ ការងារមានការរីកចម្រើនទៅមុខ។ យ៉ាងណាក៏ដោយ នៅក្នុងអង្គភាពមួយ ឬ ក្រុមមួយ គឺមិនអាចមានបុគ្គលិក ឬ សមាជិកឆ្នើម ឬ ខិតខំធ្វើការខ្លាំងទាំងអស់នោះឡើយ ពោលគឺប្រាកដជាមានមួយចំនួនដែលមិនសូវសកម្មក្នុងការងារ ឬ ធ្វើការឲ្យតែរួចពីដៃហើយចាំតែបើកប្រាក់ខែប៉ុណ្ណោះ។
ប្រសិនបើអ្នក មានបញ្ហានេះកើតឡើង ក្នុងនាមអ្នកជាប្រធាន ឬ អ្នកគ្រប់គ្រងគួរមានយុទ្ធសាស្ត្រដើម្បីអាចជំរុញឲ្យពួកគេសកម្មក្នុងការងារវិញ៖
១) ផ្តល់ដំបូន្មានច្បាស់ៗ
ពេលខ្លះ បុគ្គលិក ឬ សមាជិកក្រុមមួយចំនួន មិនសូវសកម្មនឹងការងារ គឺមិនមែនដោយសារតែពួកគេខ្ជិលច្រអូសនោះទេ ប៉ុន្តែអាចដោយសារតែពួកគេមិនសូវយល់ច្បាស់អំពីការងារ។ ដូច្នេះ ក្នុងនាមជាអ្នកគ្រប់គ្រង គួរតែចេះណែនាំ និង ផ្តល់ដំបូន្មានច្បាស់ៗដល់ពួកគេ ថាគួរធ្វើអ្វី និង ធ្វើយ៉ាងដូចម្តេច។ ការធ្វើបែបនេះ អាចជួយឲ្យពួកគេអាចកែប្រែសកម្មភាពរបស់ខ្លួន ដោយខិតខំធ្វើការងារឡើងវិញ ប្រកបដោយប្រសិទ្ធភាពខ្ពស់។ គួរជៀសវាងដាច់ខាត់ ការប្រើប្រាស់ពាក្យសម្ដីមិនសមរម្យ ដាក់ពួកគេ។
ពេលខ្លះ បុគ្គលិក ឬ សមាជិកក្រុមមួយចំនួន មិនសូវសកម្មនឹងការងារ គឺមិនមែនដោយសារតែពួកគេខ្ជិលច្រអូសនោះទេ ប៉ុន្តែអាចដោយសារតែពួកគេមិនសូវយល់ច្បាស់អំពីការងារ។ ដូច្នេះ ក្នុងនាមជាអ្នកគ្រប់គ្រង គួរតែចេះណែនាំ និង ផ្តល់ដំបូន្មានច្បាស់ៗដល់ពួកគេ ថាគួរធ្វើអ្វី និង ធ្វើយ៉ាងដូចម្តេច។ ការធ្វើបែបនេះ អាចជួយឲ្យពួកគេអាចកែប្រែសកម្មភាពរបស់ខ្លួន ដោយខិតខំធ្វើការងារឡើងវិញ ប្រកបដោយប្រសិទ្ធភាពខ្ពស់។ គួរជៀសវាងដាច់ខាត់ ការប្រើប្រាស់ពាក្យសម្ដីមិនសមរម្យ ដាក់ពួកគេ។
២) ចេះស្តាប់យោបល់របស់ពួកគេ
បុគ្គលមួយចំនួន អាចធ្វើការយ៉ាងសកម្មបាន គឺដោយសារតែពួកគេមានគំនិត និង ហេតុផលផ្ទាល់ខ្លួនដែលត្រូវការពិភាក្សាគ្នា។ កាលណាគំនិតរបស់ពួកគេមិនត្រូវបានថ្នាក់លើ ស្តាប់ ឬ គិតគូរទេ នោះធ្វើឲ្យមានការបាក់ទឹកចិត្ត ហើយបណ្តាលឲ្យលែងមានអារម្មណ៍ធ្វើការងារ។ ដូច្នេះ អ្នក (ប្រធាន)ត្រូវព្យាយាមស្តាប់ហេតុផល ឬ គំនិតរបស់អ្នកទាំងនោះ ជុំវិញការងារដែលកំពុងធ្វើ ដើម្បីឲ្យបុគ្គលិកមានអារម្មណ៍ថា ពួកគេក៏ជាចំណែកមួយដ៏សំខាន់ក្នុងដំណើរការក្រុមហ៊ុន ឬ ការងារទាំងមូលផងដែរ។
បុគ្គលមួយចំនួន អាចធ្វើការយ៉ាងសកម្មបាន គឺដោយសារតែពួកគេមានគំនិត និង ហេតុផលផ្ទាល់ខ្លួនដែលត្រូវការពិភាក្សាគ្នា។ កាលណាគំនិតរបស់ពួកគេមិនត្រូវបានថ្នាក់លើ ស្តាប់ ឬ គិតគូរទេ នោះធ្វើឲ្យមានការបាក់ទឹកចិត្ត ហើយបណ្តាលឲ្យលែងមានអារម្មណ៍ធ្វើការងារ។ ដូច្នេះ អ្នក (ប្រធាន)ត្រូវព្យាយាមស្តាប់ហេតុផល ឬ គំនិតរបស់អ្នកទាំងនោះ ជុំវិញការងារដែលកំពុងធ្វើ ដើម្បីឲ្យបុគ្គលិកមានអារម្មណ៍ថា ពួកគេក៏ជាចំណែកមួយដ៏សំខាន់ក្នុងដំណើរការក្រុមហ៊ុន ឬ ការងារទាំងមូលផងដែរ។
៣) ចេះលើកទឹកចិត្ត
ការលើកទឹកចិត្ត គឺពិតជារឿងសំខាន់បំផុតសម្រាប់ មនុស្សគ្រប់គ្នា ជាពិសេសការធ្វើកិច្ចការជាក្រុម។ ក្នុងន័យនេះ នៅពេលបុគ្គលិកណាមានស្នាដៃ អ្នក(ប្រធាន)ត្រូវចេះលើកទឹកចិត្តតាមរយៈការ សរសើរ ឬ ផ្តល់ជារង្វាន់(តិចតួចក៏បាន)ជាដើម។ ចំណុចនេះ នឹងជួយឲ្យបុគ្គលិកកាន់តែខិតខំធ្វើការងារខ្លាំងជាងមុនថែមទៀត។ ចំពោះបុគ្គលិកដែលធ្វើការងារមិនសូវល្អ ឬ ធ្វើខុស ក៏ត្រូវចេះលើកទឹកចិត្តដែរ ព្រោះគ្មាននរណាម្នាក់ល្អគ្រប់ដប់ ឬ មិនចេះខុសនោះទេ។ ដូច្នេះហើយ ក្នុងនាមអ្នកជាអ្នកគ្រប់គ្រង គួរតែព្យាយាមលើកទឹកចិត្តពួកគេជាជាងការស្ដីបន្ទោស ព្រោះការស្ដីបន្ទោសអាចនឹង ធ្វើឲ្យពួកគេកាន់តែបាក់ទឹកចិត្តខ្លាំងថែមទៀត៕
ការលើកទឹកចិត្ត គឺពិតជារឿងសំខាន់បំផុតសម្រាប់ មនុស្សគ្រប់គ្នា ជាពិសេសការធ្វើកិច្ចការជាក្រុម។ ក្នុងន័យនេះ នៅពេលបុគ្គលិកណាមានស្នាដៃ អ្នក(ប្រធាន)ត្រូវចេះលើកទឹកចិត្តតាមរយៈការ សរសើរ ឬ ផ្តល់ជារង្វាន់(តិចតួចក៏បាន)ជាដើម។ ចំណុចនេះ នឹងជួយឲ្យបុគ្គលិកកាន់តែខិតខំធ្វើការងារខ្លាំងជាងមុនថែមទៀត។ ចំពោះបុគ្គលិកដែលធ្វើការងារមិនសូវល្អ ឬ ធ្វើខុស ក៏ត្រូវចេះលើកទឹកចិត្តដែរ ព្រោះគ្មាននរណាម្នាក់ល្អគ្រប់ដប់ ឬ មិនចេះខុសនោះទេ។ ដូច្នេះហើយ ក្នុងនាមអ្នកជាអ្នកគ្រប់គ្រង គួរតែព្យាយាមលើកទឹកចិត្តពួកគេជាជាងការស្ដីបន្ទោស ព្រោះការស្ដីបន្ទោសអាចនឹង ធ្វើឲ្យពួកគេកាន់តែបាក់ទឹកចិត្តខ្លាំងថែមទៀត៕
No comments:
Post a Comment